【秘之隱藏美食】
美食就好似愛情咁，明明日日對住都可以毫不在意。但只要你識欣賞佢、對待佢，就算魯芬都可變女神。相對，豆卜係美食界從來只擔當二打六角色，從來無人識欣賞佢。每次豆卜出場時都會比媽咪扲去做魚頭腩煲的綠葉、火鍋配料中的茄呢啡。就連霞姨盒飯入面都唔會有佢嘅出現，就咁過著坎坷嘅一生。
正所謂坎坷過後有艇搭，其實豆卜都可以做主角。尖沙咀捌拾胡同就學識一個秘技煮法，就將豆卜以紅紅烈火燒呀燒～燒呀燒～就咁變成香脆可口嘅神級豆卜！呢個方法我第一次接觸時係同友人BBQ佢教我的，果種好味情度係一食即上引。唔想等到BBQ先有得試，咁可以去尖沙咀呢間鋪食啦！
----------------------------------------------------
捌拾胡同
尖沙咀厚福街9號豪華閣地下B舖
Search